Ma’naviyat va ma’rifat

Toshkent temir yo‘l muhandislari institutida ma’naviy-ma’rifiy ishlar “Ma’naviyat va ma’rifat” va iqtidorli talabalar bilan ishlash bo‘limi tomonidan amalga oshiriladi. O‘zbekiston Respublikasida qabul qilingan ma’naviy-ma’rifiy, axloqiy-tarbiyaviy sohaga oid qonun, farmon, farmoyish, qaror va Davlat dasturlari hamda tegishliligi bo‘yicha vazirlik, idoralardan tushirilgan hujjatlarning ijrosini ta’minlash, ma’naviy-ma’rifiy, axloqiy-tarbiya ishlarining joriy va istiqbolli rejalarini ishlab chiqish hamda ularning qat’iy amalga oshirilishini nazorat qilish, Ma’naviyat va ma’rifat Kengashi faoliyatini tashkil etish hamda jamoat tashkilotlari, ijtimoiy-gumanitar kafedralar (yo‘nalishlar) faoliyatini muvofiqlashtirish, O‘zbekiston yoshlar ittifoqi hamda Respublika Ma’naviyat va ma’rifat Kengashi tarkibiga kiruvchi barcha tizimlarning viloyat bo‘limlari, huquq-tartibot organlari, diniy va siyosiy hamda boshqa tashkilotlar bilan talaba-yoshlar tarbiyasi borasida hamkorlik ishlarini muntazam tashkil etish, talabalar va professor-o‘qituvchilar, ishchi-xodimlar, texnik xodimlari orasida sog‘lom ma’naviy muhitni shakllantirib borish, shuningdek, sport-sog‘lomlashtirish, maishiy xizmat, ovqatlanish, dam olish, madaniy hordiq chiqarish tuzilmalarining uzluksiz va sifatli ishlashini ta’minlash masalalarini nazorat qilish, “Ma’naviyat soati”, “Axborot va murabbiylik soati”, “Ma’naviyat kuni”ni yuksak saviya va talab darajasida o‘tilishi, ma’naviy-ma’rifiy jarayonni nazorat qilish hamda ushbu yo‘nalishdagi tadbirlarga etuk mutaxassislarni taklif qilish ishlarini tashkil etish, talabalar, professor-o‘qituvchilar hamda ishchi-xodimlar, texnik xodim vakillari muammolarini o‘rganish, kasaba uyushmasi tashkiloti bilan hamkorlikda ularning manfaatlarini himoya qilish va har tomonlama faolliklarini tashkil etish, talabalar tarbiyasida ota-onalar va mahallalar bilan hamkorlik ishlarini tashkil etish, murabbiylik tizimi faoliyatiga rahbarlik qilish va mazkur tizimning milliy qadriyatlarimiz asosida rivojlanishiga erishish, ommaviy axborot vositalari bilan hamkorlik ishlarini tashkil etish va ularda professor-o‘qituvchilarning faolliklarini oshirish, institutdagi ma’naviy-ma’rifiy ishlarni takomillashtirish va natijadorligini oshirish kabi ishlar amalga oshirib kelinadi.