Bino va sanoat inshootlari qurilishi

Kafedraning ilmiy faoliyati: Ikkita ixtisoslik bo’yicha fan nomzodlarini OTMdan keyingi ta`lim tizimi amal qilmoqda 05.23.05 "qurilish materillari va buyumlari" va 05.23.05 "qurilish konstruksiyasi, bino va inshootlar". Bundan tashqari 05.23.05 "qurilish materiallari va buyumlari" ixtisosligi bo’yicha fan doktorlarini tayyorlash ta`lim tizimi ham amal qilmoqda.

Kafedrada quyidagi 3 ta yo’nalish bo’yicha ilmiy ishlar olib boriladi:

-mineral, polimervaaralashboqlovchilarasosidakompozitsionqurilishmateriallarininghosil, texnologiyasivahossalarinitadqiqotqilish (raxbar: t.f.n., dots. Maxamataliyev E.M.).

-binolarining issiqlikka oid himoyasi (raxbar t.f.d., dots. Hipacheva Ye.V.)

-texnik-iqlimiy sistemalarni ekzogen jarayonlardan himoyalash texnologiyasi va uni tashkil etish (raxbar: t.f.d., prof. Miraxmedov M.M.)

Kafedradagi ilmiy ishlanmalar ilmiy-pedogogik kadrlarni tayyorlashdagi yutuqlar bilan yakunlanmoqda.  Mustaqillik yillari davrida kafedrada 5 ta fan doktori (Toxirov M.K.. Fozilov T.I., Odilxodjayev A.E., Miraxmedov M.M., Hipacheva Ye.V.) va 19 ta fan nomzodi tayyorlandi. Ushbu fan nomzodini professorlar Toxirov M.K. (11), Fozilov T.I. (3), Odilxodjayev A.E. (2), Miraxmedov M.M. (2) , Hipacheva Ye.V. (1) raxbarligida tayyorlandi. 

Hozirgi kunda quydagi quydagi Davlat grantlari mavjud:

№ YeA 14-013 "O’zbekiston Respublikasida ishlab chiqariladigan oddiy markali sementdan yuqori mustahkam betonlar olishning texnologiyasi va tarkiblarini ishlab chiqish"; 

№ A14-002 "Mahalliy xom ashyo va materiallardan foydalanib bazalto fibrobetonning samarador texnologiyasini ishlab chiqish";

hamda  №1 -2012G'9 - sonli  "Bitumli jinslardan foydalnib avtomobil yo’li qoplamasini qurishni tashkil etish" xo’jalik shartnomasi bo’yicha ishlar olib borilmoqda.

Kafedraning  ilmiy-uslubiy faoliyati: Ilmiy-pedogogik faoliyatdagi faollik kafedra kollektivining O’zbekiston Respublikasining mustaqilligi yo’llarida to’liq namoyon bo’ldi. Ushbu davrda kafedra kollektivi Oliy ta`lim to’g’risidagi qonun va kadrlar tayyorlashning milliy dasturi bosqichlari amalga oshirishga qaratilgan murakkab masalalarga muvafaqiyatga erishishga muvaffaq bo’ldi. Kafedra kollektivi tomonidan o’quv jarayonining zamonaviy meyoriy uslubiy bazasi yaratildi. Milliy guruxlardagi o’quv jarayoni 100% davlat tilidagi darsliklar va o’quv qo’llanmalari bilan ta`minlandi, 90% o’quv-uslubiy adabiyotlar davlat tilida chop etildi, shular jumlasidan lotin imlosidagi o’zbek tilida ham. Kafedra o’qituvchilari tomonidan o’quv mashg’ulotlarining turli shakllardagi darsliklar, o’quv va  o’quv-uslubiy qo’llanmalar chop etildi. Oxirgi 5 yil ichida chop etilgan eng yirik nashrlar qatoriga quyidagilar kiradi: "qurilish-montaj ishlari texnologiyasi va tashkil etish" (mualliflari: Taxirov M.K., Narov R.A., Maxamataliyev E.M.); "Bino va inshootlarni ta`mirlash va qayta qurish texnologiyasi" (Miraxmedov M.M., Bozorboyev N., Bozorboyev F.N.); "Proyektirovaniye generalno'x planov grajdanskix i promo'shlenno'x zdaniy" (Hipacheva Ye.V.); "Proyektirovaniye energoeffektivno'x grajdanskix zdaniy v usloviyax suxogo jarkogo klimata" (Hipacheva Ye.V.); "Obsledovaniye i rekonstruksiya soorujeniy" (Hipacheva Ye.V, Hipacheva Yu.A., Shaumarov S.S.); "Texnologiya ekspluatatsiya zdaniy" (Hipacheva Ye.V, Hipacheva Yu.A., Shaumarov S.S.); "qurilish ishlab chiqarishni tashkil qilish" (Maxamataliyev E.M.); "Bino va inshootlarni barpo etish texnologiyasi" (Taxirov M.K., Maxamataliyev E.M)  o’quv qo’llanmalari.

Kafedraning barcha o’qituvchilari ilmiy-metodik konferensiyalarda o’z ma`ruzalari bilan domiy ishtirok etib turishadi. Kafedrada iqtidorli talabalar bilan samarali ishlar va ilmiy pedogogik kadrlarni tayyorlash tizimi yaratilgan. Magistraturaning 5A340204 "qurilish konstruksiyalarini loyihalash" (temir yo’l transporti uchun) mutaxassisligi bo’yicha  standartlar ishlab chiqildi. Magistraturaning 5A340204 mutaxassisligining  namunaviy o’quv rejasiga kiruvchi 12 ta o’quv dastur ishlab chiqildi. Kafedrada o’qitiladigan  yigirma beshta fan bo’yicha O’quv-metodik kompleks ishlab chiqildi va ular doimo  takomillashtirib borilmoqda. Kafedra yosh o’qituvchilarining pedagogik mahoratini oshirish maqsadida maxsus o’quv mashg’ulotlar tashkil etiladi.

Kafedraning  tashkiliy-uslubiy ishlari: 

1. Prof. Miraxmedov M.M. "O’zbekiston Respublikasida yo’lovchi poyezdlarning yuqori tezlikdagi harakatini tashkillashtirish uchun temir yo’lni loyihalash va qurish bo’yicha idoraga oid me`yoriy hujjatlarni asoslash"  ishlarida  faol ishtirok etmoqda.

2. Hipacheva Ye.V. va  Bocharova L.V.  TAqIdagi  o’quv uslubiy adabiyotlar uchun rasmiy taqrizchi hisoblanadi.

3. Hipacheva Ye.V  TAhI qoshidagi Malaka oshirish markazida muhandis-texnik ishchilar uchun ma`ruza mashgulotlarini olib boradi.

4. Hipacheva Ye.V  va Pirmatov R.X. PROOON loyihasidagi "Energosamarali qurilish"  bo’yicha o’quv reja, fan dasturlari va o’quv qo’llanmalarni   ishlab chiqishni amalga oshiruvchi mualliflik jamoasi tarkibiga kirishgan.

5. Professor Miraxmedov M.M., dotsentlar Karimova F.F., Hipacheva Ye.V., institut qoshidagi nomzodlik dissertatsiyalarini ximoya qilish bo’yicha ixtisoslashgan kengash ishlarida faol qatnashdilar.

Kafedraning ma`naviy, ma`rifiy-tarbiya ishlari: 

Kafedra dotsentlari: Bocharova L.V., Maxamataliyev E.M.,  Turgunbayev U.J., Soy V.M., katta o’qituvchi Karabayev A.M., va  ass. Shaumarov S.S., Abdullayev U. O’z o’quv guruhlarida  murabbiylik faoliyatini muvafaqqiyatli olib borishmoqda.

Kafedra o’qituvchilari  o’quv guruhlarida  davra suhbatlari, sport musobaqalari va ko’rgazmalarga ekskursiya tashkil etiladi.

"Jahon merosi" va "qurilishdagi noyob texnologiyalar va inshootlar"  turkumidagi kinolektoriysi tashkil etilgan.

Kafedraning xalqaro aloqalari: O’zbekiston Respublikasi mustaqillikka erishgandan keyingi davrda ToshTYMIning "Bino va sanoat inshootlari qurilishi"  kafedrasi ko’plab xorijiy mamlakatlar ta`lim muassasalari bilan ijodiy va do’stona aloqalar o’rnatdi. Germaniya, Polsha, Daniya, Veniya Respublikasi, Rossiya, Ukraina, qozoqiston oliy ta`lim muassasalari shular jumlasidandir.  O’zlarining ilmiy maktablarini yaratgan kafedraning a`zolari Taxirov M.K., Odilxo’jayev A.E., Fozilov T.I., Miraxmedov M.M., Hipacheva Ye.V., o’z ijodiy izlanishlarini nazariyalarini butun dunyo tan olgan zamonamizning yuksak quruvchi-olimlari ilmiy maktablari bilan boglaganlar. Bular qatoriga texnika fanlar doktori, professorlar Ro'byev I.A.(ochiq texnika universitetib, sobiq VZISI), Solomatov V.I, Pershin S.P., Lutskiy S.Ya. (Moskva davlat temir yo’l aloqasi universiteti, sobiq MIIT), Xrulev V.M. (Novosibirsk temir yo’l aloqasi universiteti, sobiq NIIJT), Jinkin Ye.A., Komoxov P.G., Prokudin I.V. (Sankt-Peterburg Davlat temir yo’l aloqasi universiteti, sobiq LIIJT), Pereselenkov G.A. (Markaziy qurilish ilmiy tadqiqot instituti, SNIIS), Asaul A.N. (Sankt Peterburg Davlat arxitektura - qurilish universiteti, SPBGASU), Isayenko V.V(qozoqiston transport va kommunikatsiyalar akademiyasi, KazATK), Omarov A.D., (qozoqiston transport va komunikatorlar Akademiyasi, Kaz ATI), Taukach G.N, Ribalskiy A.V, Litvinov O.O(Kiyev architektura qurilish igstituti, KISI)  va boshqalarni kiritish mumkin.

Kafedraning hozirgi va sobiq professor o’qituvchilari va tadqiqotchilari o’zlarining nomzodlik dissertatsiyalarini turli xorijiy oliy o’quv yurtlari qoshidagi Ilmiy kengashlarda ximoya qilishgan. Masalan, Borisov M.Ye. (1982, LIIJT), Hipacheva Ye.V(1988,LIIJT), Usov M.V. (1988, LIIJT), Tirin V.P. (1989, MIIT), Salixov B.G. (1991, LIIJT) Dosmetov S.K(1989, MIIT), Sodiqov N.(1990, KISI), Aqmedov D.X(1992, KazATK), Bekbulatov A.I(1993, LIIJT) shular jumlasidan.

Kafedraning azolaridan dots. Karimova F.F va dots. Maxamataliyev E.M 2005 yilda Yevropaning yetakchi oliy o’quv yurtlarida(Germaniya va Daniya) malakalarini oshirib kelganlar.

Kafedraning o’qituvchilari horijiy mamlakatlarda halqaro ekspertlar sifatida ham faoliyat olib borganlar. Masalan, prof. Miraxmedov(1989-2001, Gvineya, Konakri universitetida), dots. Dosmetov S.K(2010-2011, Avgoniston, hayroton-Mozoriy Sharif temir yo’l qurilishi).

Hozirgi kunlarda kafedra azolari xalqaro ilmiy anjumanlarda muntazam ishtirok etib kelmoqdalar. Rossiya federatsiyasida(MIIT, S.PbGIPS, 2002-2010), Pol`shada(Katovitsa politexnika instituti, 2002-2005), Germaniyada(Veymar universiteti, 2006-2009), Gvineya respublikasida(Konakri universiteti, 1993,1999,2000) o’tqazilgan anjumanlar shular jumlasidandir.

Kafedraning ishlab chiqarish bilan aloqalari: Kafedra Respublikamizning yetakchi ishlab chiqarish korxonalari bilan yaqindan hamkorlik qiladi. Mamlakatimizning 2ta yetakchi loyiha inititutida: OOO"Toshtemiryo’lloyiha" va OAO"O’zpo’latqurilmaloyiha" da kafedraning filiallari tashkil etilgan va ular samarali faoliyat ko’rsatmoqdalar.

Ushbu filiallarda kafedra o’qituvchilarining stajirovkalari, talabalarning o’quv va malakaviy amaliyotlari, xamda real loyihalashtirish elementlariga ega bitiruv ishlari uchun boshlang’ich ma`lumotlar tanlab olinadi va bajariladi. 

Kafedra ilmiy-ishlab chiqarish firmasi "REGAL GLOVYe  SERVISE" (RGS) bilan yaqindan xamkorlik qiladi. Ushbu firma OOO "Poliplast" (Rossiya) korxonasining O’zbekistondagi rasmiy va eksklyuziv distribyuteri hisoblanib qurilish industriyasi korxonalarini samarali kimyoviy qo’shimchalar bilan ta`minlaydi. Kafedra a`zolari (RGS)  firmasining kollektivi bilan birgalikda mineral bog’lovchi moddalar asosidagi samarali kompozitsion qurilish materiallari ishlab chiqarish, ishlab chiqarishga yuqori sifatli va samarali kimyoviy qo’shimchalarni hamda bazalt tolasi asosidagi fibrobetonni joriy qilish bo’yicha birgalikda ish olib boradilar.