TSNQB Faoliyati

Toshkent temir yo‘l muhandislari instituti

Ta’lim sifatini nazorat qilish bo‘limining 2018 yil I-chorak

HISOBOTI

 Hisobot davrida bo‘lim o‘z faoliyatini “Toshkent temir yo‘l muhandislari instituti tarkibidagi Ta’lim sifatini nazorat qilish bo‘limi to‘g‘risidagi Nizom” va“Toshkent temir yo‘l muhandislari instituti ta’lim sifatini nazorat qilish bo‘limining 2018 yilning I-choragi (yanvar-mart) uchun ish rejasi” asosida olib bordi. Reja bo‘yicha amalga oshirilgan ishlar haqidagi ma’lumotlar oyma-oy institut rektoriga taqdim etib borildi. Quyida reja bandlari bo‘yicha qisqacha ma’lumotlar berish bilan hisobot keltirildi. 

1-band. Institut tarkibida ta’lim sifatini nazorat qilish bo‘limi tashkil etilganligini e’lon qilish va institut tarkibiy tuzilmasi tarkibiga kiritish. Bo‘lim Nizomi, bo‘lim xodimlarining lavozim yo‘riqnomalari, ish rejasini ishlab chiqish va tasdiqlash.

Institut rektorining 2017 yil 27 iyuldagi 415-U sonli buyrug‘i bilan Ta’lim sifatini nazorat qilish bo‘limi tashkillashtirildi.

Institut rektorining 2018 yil 3 yanvardagi 1-P buyrug‘i bilan bo‘lim boshlig‘i etib E.A.Mirsalixov tayinlandi. 2018 yil 9 yanvardagi 8-P va 9-P buyruqlari bilan bo‘limning bosh mutaxassislari etib A.A.Baymatov va E.K.Ametovalar tayinlandilar.

Institut rektorining 2018 yil 15 yanvardagi 17-U buyrug‘i bilan “Toshkent temir yo‘l muhandislari instituti tarkibidagi Ta’lim sifatini nazorat qilish bo‘limi to‘g‘risidagi NIZOM” va “Toshkent temir yo‘l muhandislari instituti ta’lim sifatini nazorat qilish bo‘limining 2018 yilning I-choragi (yanvar-mart) uchun ish rejasi” tasdiqlandi.

2-band. Institut veb-saytida bo‘limning maxsus sahifasini ochish. Unda bo‘limning asosiy maqsadini yoritib berish. Institutda talabalar, professor-o‘qituvchilar, xodimlar, kadrlar istemolchilarining ta’lim jarayoni sifatini oshirishga qaratilgan fikr va takliflarini o‘rganib borish maqsadida maxsus “Ta’lim sifati” ruknini yuritish. Bildirilgan fikr-mulohazalar tahlilini olib borish va tegishli takliflarni o‘rnatilgan tartibda institut rahbariyatiga (institut Kengashiga) kiritish.

Institut veb-saytining “faoliyat“ bo‘limida TSNQB xodimlari hamda bo‘limning maqsad va vazifalari haqida ma’lumotlar joylashtirildi. SHuningdek murojaatlar uchun manzil, elektron pochta manzili va telefon raqamlari joylashtirildi.(http://tashiit.uz/faoliyat/ta’lim-sifati.html; e-mail: Bu e-Posta adresi istenmeyen posta engelleyicileri tarafından korunuyor. Görüntülemek için JavaScript etkinleştirilmelidir.).

3-band. Bo‘lim faoliyati uchun zarur bo‘lgan me’yoriy-huquqiy hujjatlar nomenklaturasini shakllantirish, ularning mazmunini o‘rganish va bo‘limda ish yuritilishini tashkil etish.

Bo‘limning faoliyati uchun zarur me’yoriy-huquqiy hujjatlar nomenklaturasi ishlab chiqildi va kelishish uchun arxivga topshirilgan.

4-band. Tajribali mutaxassislarni jalb etgan holda institut, fakultetlar, kafedralar va tegishli bo‘limlarning ish rejalarini tahliliy o‘rganish va ularning mazmunidan kelib chiqib, ta’lim sifatini oshirishga qaratilgan masalalarni kiritish bo‘yicha takliflar berish, tegishli o‘zgartirish va qo‘shimchalar kiritilgan va tasdiqlangan ish rejalarining bajarilishini nazorat qilish.

Institut fakultetlari, kafedralari va bo‘limlari ish rejalari o‘rganildi. O‘rganish natijasi bo‘yicha institut Ilmiy Kengashi majlisida ma’lumot berildi. Ta’lim sifatini oshirishga qaratilgan masalalar ish rejalariga kiritish masalasi bo‘yicha qarorlar qabul qilindi:

1. Institutning barcha tarkibiy bo‘linmalari rahbarlari tomonidan ish rejalari tahlil qilinib, zaruriyat bo‘lsa yangi taxrirdagi ish rejalarini ishlab chiqib o‘rnatilgan tartibda tasdiqqa kiritish.

2. YAngi taxrirdagi ish rejalariga O‘zbekiston respublikasi Prezidentining “Oliy ta’lim tizimini yanada rivojlantirish chora-tadbirlari to‘g‘risida”gi PQ-2909 sonli va “Oliy ma’lumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlari to‘g‘risida”gi PQ-3151 sonli Qarorlarida belgilangan vazifalarni aniq ko‘rsatish.

3. Ish rejalari ta’lim sifatiga qaratilgan masalalar bilan to‘ldirish.

4. Keltirilgan masalalarni fakultet va kafedralar yig‘ilishlarida muxokama qilish.

Ish rejalariga kiritishga tavsiya etiladigan masalalar uchun quyidagi manbaalardan foydalanishni tavsiya etildi:

1. O‘zbekiston respublikasi Prezidentining “Oliy ta’lim tizimini yanada rivojlantirish chora-tadbirlari to‘g‘risida”gi PQ-2909 sonli Qarori.

2. O‘zbekiston respublikasi Prezidentining“ Oliy ma’lumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlari to‘g‘risida”gi PQ-3151 sonli Qarori.

3. Toshkent temir yo‘l muhandislari institutining fakultetlari to‘g‘risidagi Nizom (2016 yil 24 avgustda tasdiqlangan).

4. Toshkent temir yo‘l muhandislari institutining kafedralari to‘g‘risidagi Nizom (2016 yil 24 avgustda tasdiqlangan).

5. Toshkent temir yo‘l muhandislari instituti tarkibidagi Ta’lim sifatini nazorat qilish bo‘limining Nizomi.

6. Toshkent temir yo‘l muhandislari instituti tarkibidagi Ta’lim sifatini nazorat qilish bo‘limining Nizomida va boshqa me’yoriy-xuquqiy hujjatlarda belgilangan vazifalaridan kelib chiqib institutda amalga oshiriladigan tadbirlarning “Harakat dasturi”.

5-band.Ta’lim muassasalarini attestatsiya va akkreditatsiyadan o‘tkazishga oid me’yoriy-huquqiy hujjatlarni ichki ekspertlarni jalb qilgan holda chuqur o‘rganish. Bugungi kun talablardan kelib chiqqan holda ularni takomillashtirish yuzasidan takliflar tayyorlash va o‘rnatilgan tartibda Davlat inspeksiyasiga taqdim etish.

“O‘zbekiston respublikasi ta’lim muassasalarini attestatsiyadan o‘tkazish mezonlari va texnologiyalari bo‘yicha yo‘riqnoma»ga o‘zgartirishlar kiritish bo‘yicha takliflar Davlat inspeksiyasiga taqdim etildi. 

6-band. Institutda o‘quv jarayonining DTS, malaka talablari, o‘quv rejalari, fan dasturlari, ishchi o‘quv rejalari va ishchi fan dasturlari bilan ta’minlanganlik holatini o‘rganish. Ularni kadrlar iste’molchilari fikrlarini inobatga olgan holda ishlab chiqarish bilan ta’lim integratsiyasi nuqtai nazardan yanada takomillashtirish bo‘yicha takliflarni tayyorlash va institut rektoriga (institut Kengashiga) taqdim etish. 

Institutda o‘quv jarayoni 2014 va 2015 yillarda tasdiqlangan DTS lari hamda 2016 va 2017 yillarda tasdiqlangan malaka talablari, mos ravishda shu yillarida tasdiqlangan o‘quv rejalari asosida ishlab chiqilgan ishchi o‘quv rejalariga muvofiq tashkillashtirilgan. YUqorida keltirilgan me’yoriy hujjatlar asosida o‘quv jarayoni grafigi ishlab chiqilgan va belgilangan tartibda tasdiqlangan, shuningdek o‘quv guruhlari uchun dars jadvallari tuzilib o‘rnatilgan tartibda tasdiqlangan.

O‘rganish jarayonida barcha fakultetlar va kafedralarda tegishli DTS, malaka talablari, o‘quv rejalar va ishchi o‘quv rejalar mavjudligi aniqlandi.

Barcha kafedralarda o‘qitiladigan fanlar bo‘yicha o‘quv va ishchi o‘quv dasturlari mavjud, belgilangan tartibda tasdiqlangan.

O‘rganish jarayonida aniqlangan kamchiliklar haqidagi ma’lumotlar institut rektoriga taqdim etildi.

7-band.Professor-o‘qituvchilar shaxsiy ish rejalarining yarim o‘quv yili yakunlari bo‘yicha bajarilishini o‘rganish. Bunda o‘quv yuklamalarining “Vaqt me’yorlari” asosida to‘g‘ri taqsimlanganligiga e’tiborni qaratish. Amaldagi “Vaqt me’yorlari” hujjatini tajribali mutaxassislarni jalb etgan holda tahliliy o‘rganib, uni pedagog-o‘qituvchilar mehnatini moddiy rag‘batlantirish nuqtai nazardan qayta ko‘rib chiqish va ajratiladigan yuklamalar hajmini optimallashtirish bo‘yicha takliflarni tayyorlash, ularni o‘rnatilgan tartibda Davlat inspeksiyasiga taqdim etish. 

2017-2018 o‘quv yili uchun fakultet dekani tomonidan tasdiqlangan va kafedralar tomonidan taqdim etilgan professor-o‘qituvchilar shaxsiy ish rejalarini yarim o‘quv yili yakunlari bo‘yicha bajarilishini o‘rganish, O‘zbekiston Respublikasi Oliy va o‘rta maxsus ta’lim vazirining 2015 yil 9 sentyabrdagi 5-2015-son buyrug‘i bilan tasdiqlangan “Oliy ta’lim muassasasi professor-o‘qituvchilar tarkibining o‘quv, ilmiy-metodik, ilmiy-tadqiqot, tashkiliy-metodik, ma’naviy-ahloqiy va tarbiyaviy ishlar yuklamasini aniqlash qoidalari asosida amalga oshirildi.

“Oliy ta’lim muassasasi professor-o‘qituvchilar tarkibining o‘quv, ilmiy-metodik, ilmiy-tadqiqot, tashkiliy-metodik, ma’naviy-ahloqiy va tarbiyaviy ishlar yuklamasini aniqlash Qoidalari”ning 9-bandiga amal qilinmaganlik hollari uchraydi.

Institutda faoliyat olib borayotgan professor-o‘qituvchilarning barcha shaxsiy ish rejalari o‘rganildi, aniqlangan kamchiliklar bo‘yicha ma’lumotlar institut rektori, o‘quv ishlari bo‘yicha prorektor, fakultet dekanlari va kafedra mudirlariga taqdim etildi. Institut rahbariyati tomonidan ma’lumotlarda keltirilgan kamchiliklani bartaraf etish uchun ko‘rsatmalar berildi.

Amaldagi “Oliy ta’lim muassasasi professor-o‘qituvchilar tarkibining o‘quv, ilmiy-metodik, ilmiy-tadqiqot, tashkiliy-metodik, ma’naviy va ahloqiy va tarbiyaviy ishlar yuklamasini aniqlash Qoidalari” va “Oliy ta’lim muassasalari professor-o‘qituvchilari tomonidan bajariladigan o‘quv ishlari, o‘quv-uslubiy, ilmiy-tadqiqot, tashkiliy-uslubiy, ma’naviy-ma’rifiy va tarbiyaviy ishlar hajmini belgilash bo‘yicha “Vaqt me’yorlari”ga takliflar tayyorlandi va fevral oyi hisobotiga ilova qilindi. 

8-band. Institut moddiy-texnik bazasini o‘rganish (kafedralar kesimida). Bu jarayonda kafedralar tomonidan amalga oshirilayotgan grantlar, shartnomalar asosida moddiy-texnik bazani yaxshilashga qo‘shgan hissasining ulushiga e’tiborni qaratish. Tegishli takliflarni tayyorlash, ularni institut rektoriga (institut Kengashiga) taqdim etish.

9-band. Institut ta’lim yo‘nalishlari va mutaxassisliklarining fanlar bo‘yicha o‘quv adabiyotlari bilan ta’minlanganlik darajasini ARM va kafedralar (fanlar) kesimida o‘rganish. 

Joriy yilning aprel oyida institut rektorining buyrug‘i asosida ta’lim yo‘nalishlari va mutaxassisliklar ichki attestatsiyadan o‘tkazilishi rejalashtirilgan. Ushbu jarayonda mazkur masalalar o‘rganiladi. 

10-band. Professor-o‘qituvchilarning ilmiy salohiyatini o‘rganish. 

O‘rganish natijasida bugungi kunda institutda 23 ta kafedrada umumiy shtatda 265 nafar professor-o‘qituvchi faoliyat yuritmoqda. SHundan 20 nafarifan doktorlari va professorlar, 4/74 nafari falsafa doktorlari/fan nomzodlari va dotsentlar. Institut bo‘yicha ilmiy salohiyat 37% ga tengligi aniqlandi.

Ilmiy salohiyatni oshirish va yosh kadrlar rezervini tayyorlash rejasi institutning Ilmiy Kengashida tasdiqlangan. SHu bilan birga, ilmiy salohiyatni oshirish maqsadida chet el universitetlari bilan xamkorliq aloqalari yo‘lga qo‘yilgan va so‘nggi uch yil ichida chet elga aspiranturada va doktoranturada tahsil olish uchun institutning 16 nafar yoshlar o‘qishga yuborilgan. 

11-band. Professor-o‘qituvchilar tomonidan dars mashg‘ulotlarining o‘tkazilish holatini tahliliy o‘rganish 

Institut rektori tomonidan 2018 yil 12 fevralda tasdiqlangan reja asosida professor-o‘qituvchilar tomonidan dars mashg‘ulotlarining o‘tkazilish holati joriy yilning 12 fevralidan 30 martigacha bo‘lgan davrda jami 44 nafar professor-o‘qituvchilar darsi tahlil qilindi. Ma’lumotlar oyma-oy institut rektoriga taqdim etilmoqda. Ushbu jarayon o‘quv yili oxirigacha davom etadi. 

12-band. Institutda (kafedralarda) mustaqil ta’limning tashkil etilganligini o‘rganish. 

Talabalarning mustaqil ishlari O‘zbekiston Respublikasi Oliy va o‘rta maxsus ta’lim vazirligining 2009 yil 14 avgustdagi 286-sonli  buyrug‘i bilan tasdiqlangan “Talabalar mustaqil ishini tashkil etish va nazorat qilish bo‘yicha yo‘riqnoma” asosida amalga oshirilgan. Institut rektorining 2009 yil 5 oktyabr 156-U sonli “Talabalar mustaqil ishlarini tashkil etish to‘g‘risida”gi buyrug‘i chiqqan.

O‘quv fanlari bo‘yicha namunaviy va ishchi dasturlarda talaba mustaqil ishining shakli, mazmuni va hajmi ifoda etilgan. Fanlarning ishchi dasturlari bajarilishining kalendar-tematik rejasida TMIlar mavzulari va bajarilish muddatlari o‘z aksini topgan.Talaba mustaqil ishi uchun ajratilgan vaqt byudjetiga mos ravishda har bir fan bo‘yicha tegishli kafedralarda mustaqil ishning tashkiliy shakllari, topshiriqlar variantlari ishlab chiqilgan. Mustaqil ishni bajarish uchun fanlar bo‘yicha talabalarga uslubiy qo‘llanma, ko‘rsatma va tavsiyalar ishlab chiqilgan.

Mustaqil ishni bajarish uchun talabaga axborot manbaasi sifatida darslik va o‘quv qo‘llanmalar, metodik qo‘llanma va ko‘rsatmalar, ma’lumotlar to‘plami va banki, ilmiy va ommaviy davriy nashrlar kutubxonalarda mavjud. Talabalar darsdan keyin test markazida mustakil ishni bajarishi uchun barcha sharoit yaratilgan Talabalar mustaqil ishlarini bajarish yuzasidan tegishli yo‘llanmalar berish va uni bajarilishini nazorat qilib borish maqsadida TMI hajmidan kelib chiqib konsultatsiyalar jadvallari ishlab chiqilgan hamda uning fakultet va kafedralar e’lon taxtalarida bo‘lishi ta’minlangan.

Institutning www.library.tashiit.uz veb saytida talabalar keng foydalanishlari uchun 2000 dan oshiq elektron ta’lim resurslari (elektron darslik, o‘quv uslubiy qo‘llanmalar, o‘quv adabiyotlar) kiritilgan.

O‘zbekiston Respublikasi Prezidentining 2013-yil 27 iyundagi “O‘zbekiston Respublikasi Milliy axborot-kommunikatsiya tizimlarini yanada rivojlantirish choralari tug‘risida”gi PQ-1989-sonli qarorida belgilangan vazifalar ijrosini ta’minlash maqsadida institutimizdagi Axborot texnologiyalari markazi xodimlari tomonidan yaratilgan “Moodle” (www.moodle.tashiit.uz) dasturida 320 ta fanlar bo‘yicha kurslar yaratilgan.

O‘quv uslubiy majmua (www.umk.tashiit.uz) veb saytida barcha ta’lim yo‘nalishlari va mutaxassislik fanlarini ishchi o‘quv dasturlari,  mavzular bo‘yicha nazariy, amaliy va laboratoriya ishlarini  materiallar, taqdimotlar, mustaqil ta’lim materiallari, glossariy, adabiyotlar ro‘yxati xorijiy manbalar asosida yaratilib, o‘z vaqtida joylashtirib borilmoqda.

ARM ning ish rejimi 3 smenali bo‘lib, 1-smena 800 dan 1600 gacha, 2-smena 900 dan 1700 gacha, 3-smena 1000 dan 1800 gacha ish olib boradi. ARM da talabalar uchun 120 o‘rinli o‘quv zali faoliyat yuritmoqda. O‘quv zalida lib.tashiit.uz va library.tashiit.uz saytlariga joylashtirilgan elektron adabiyotlardan kitobxonlar foydalanishlari mumkin. ARM da hozirda 38 ta kompyuter mavjud bo‘lib, 20 (terminal, Service Pack 2, 2009y) tasidan bevosita studentlar foydalanadi. Bu kompyuterlardan faqat institut saytlariga (lib.tashiit.uz va library.tashiit.uz) kirish mumkin. O‘rganish natijasida quyidagi takliflar berildi:

1. TTJ larda ARM faoliyatini yo‘lga qo‘yish;

2. ARM da internet xonasi ochish;

3. Institut xududida Wi-Fi zonalarini tashkil etish;

4. Professor-o‘qituvchilar tomonidan talabalar mustaqil ishini tashkillashtirishda institut saytlarida joylashtirilgan ma’lumotlardan to‘laqonli foydalanishni talabalarga uqtirish; 

13-band. Kuzgi semestr yakuni bo‘yicha talabalar bilimini baholash jarayonini tahlil qilish asosida reyting ballarining xolisligini, shaffofligini va sifat darajasini baholash. 

Davlat inspeksiyasining 2018 yil 18 yanvardagi 88-02-361 xatida keltirilgan topshiriq doirasida har birta’lim yo‘nalishi bitiruvchi kurs talabalaridan mutaxassislik fani bo‘yicha yozma ish o‘tkazildi.Natijalar bo‘yicha hisobot institut rektori va Davlat inspeksiyasiga taqdim etildi.

Institut Ilmiy Kengashining 26 martdagi navbatdagi yig‘ilishida 1-semestr yakunlari masalasi muxokama qilindi. O‘quv ishlari bo‘yicha prorektori, Ta’lim sifatini nazorat qilish bo‘limi va O‘quv-uslubiy bo‘limlarining tahliliy materiallari asosida ma’ruza qildi. 

14-band. Oxirgi 3 yilda BMI va MD mavzularining ishlab chiqarishdagi (kadrlar iste’molchilari) dolzarb muammolardan kelib chiqib shakllantirilganligini hamda ulardagi takrorlanishlarning mavjudligini o‘rganish. 

O‘rganish natijasida quyidagilar aniqlandi. Institutda BMI mavzulari ro‘yxati mutaxassislik kafedralari tomonidan shakllantiriladi. Ushbu mavzular ro‘yxati kadrlar iste’molchilari, ya’ni “O‘zbekiston temir yo‘llari” AJ ning ta’lim yo‘nalishlari va mutaxassisliklariga mos keluvchi xizmatlari bilan kelishiladi. Bu tartibga barcha mutaxassis chiqaruvchi kafedralar amal qilishgan. Mavzular talabalarga e’lon qilingandan so‘ng, talaba tanlagan mavzu bo‘yicha ularga rahbar tayinlanib institut rektori buyrug‘i bilan rasmiylashtiriladi. Mazkur ishlar talabalarning bitiruvoldi amaliyoti boshlanishidan oldin bajarilgan.

Xuddi shuningdek MD mavzulari ro‘yxati shakllantirilgan. Dissertatsiya mavzulari va ilmiy rahbarlar belgilangan muddatlarda rasmiylashtirilgan.

Aniqlangan barcha kamchiliklar bo‘yicha ma’lumotlar fakultet dekanlari va kafedra mudirlariga taqdim etildi. 

15-band. Kadrlar iste’molchilarining fan dasturlari va bitiruvchilar malakasi  bo‘yicha fikr mulohazalarini o‘rganish. 

Joriy yilning 9-11 aprel kunlari bitiruvchilarning ishga taqsimoti o‘tkaziladi, shu jarayonda kadr iste’molchilari orasida so‘rovnoma o‘tkazilishi rejalashtirilgan.

 16-band. Institutda chet tilini o‘rganish bo‘yicha qo‘shimcha kurslarning tashkil etilganligi, ularning samarasini o‘rganish. 

Institut rektorining 2017 yil 8 avgustdagi “Xorijiy davlatlarning etakchi ilmiy-ta’lim muassasalariga malaka oshirish va stajirovka o‘tash, magistratura hamda PhDdasturlari bo‘yicha o‘qishga yuborilayotgan nomzodlar uchun mo‘ljallangan “Ingliz tili” bo‘yicha malaka oshirish kursi to‘g‘risidagi” 440-U sonli, 2017 yil 19 avgustdagi “O‘zbekiston Respublikasi Vazirlar Mahkamasining 2017 yil 11 avgustdagi 610-sonli qarori ijrosini ta’minlash to‘g‘risidagi” 470-U sonli va 2017 yil 26 avgustdagi “Oliy ta’lim muassasasida chet tili o‘rgatishni tashkil etish to‘g‘risidagi” 491-U sonli buyruqlari imzolangan bo‘lib, ushbu masalala bo‘yicha tegishli vazifalar belgilangan. Qo‘yilgan vazifalar bo‘yicha chet tili kafedrasi tomonidan ishlar amalga oshirilgan. 

17-band. CHet tili o‘qituvchilarning til bilish darajasini o‘rganish (talabalarning bilim darajasini o‘rganish asosida)

Joriy yilning 21-22-fevral kunlari bitiruvchi kurslarning barcha ta’lim yo‘nalishlardan bitta guruh tanlanib, amaliy ingliz tili bo‘yicha test sinovlari o‘tkazildi.

SHuningdek test jarayonida talabalar orasida ta’lim sifati bo‘yicha so‘rov o‘tkazildi: 

18-band. Mutaxassislik fanlarining chet tilida o‘qitilishi holatini va uning institut bo‘yicha salmog‘i va sifatini o‘rganish. Mutaxassislik fanlaridan dars beruvchi o‘qituvchi-mutaxassislarni qo‘llab-quvatlash va rag‘batlantirish bo‘yicha takliflar tayyorlash, ularni institut rektoriga (institut Kengashiga) taqdim etish. 

O‘zbekiston Respublikasi Prezidentining 2017 yil 27 iyuldagi “Oliy ma’lumotli mutaxassislar tayyorlash sifatini oshirishda iqtisodiyot sohalari va tarmoqlarning ishtirokini yanada kengaytirish chora-tadbirlari to‘g‘risidagi” PQ-3151 sonli qarori 5-bandidagi mutaxassislik fanlarini ingliz tilida o‘qitishni bosqichma-bosqich tashkil etish bo‘yicha belgilangan vazifalar ijrosini ta’minlash maqsadida institut rektorining 2017 yil 21 oktyabrdagi “Mutaxassislik fanlarini ingliz tilida o‘qitishni tashkil etish to‘g‘risidagi” 312-P sonli buyrug‘i imzolangan. Ushbu buyruq bilan tegishli tuzilma va mutasaddi xodimlarga vazifalar belgilab berilgan. 

19-band. Institutning tarkibiy tuzilmalarida  pedagog xodimlarning kasbiy malakasi holatini, shuningdek oliy o‘quv yurtidan keyingi ta’lim hamda malaka oshirish va qayta tayyorlash yo‘nalishlaridagi sifat darajasini aniqlash maqsadida ichki attestatsiya o‘tkazish jadvalini ishlab chiqish va institut rektoriga taqdim etish. 

Institutda ichki attestatsiyani o‘tkazish bo‘yicha buyruq loyihasi ishlab chiqildi va institut rektori tomonidan imzolandi. Unda ishchi guruh tarkibi, o‘tkazish jadvali tasdiqlangan va mutasaddi xodimlarga vazifalar belgilab berilgan. 

20-band. Institut attestatsiyasi va akkreditatsiyasi jarayoniga tayyorgarlik ko‘rish maqsadida ichki attestatsiya mexanizmini ishlab chiqish, tegishli ma’lumotlarni tarkibiy bo‘linmalardan olish va jamlangan ma’lumotlar  bazasini shakllantirish. 

Ma’lumotlar bazasi shakllantirildi, ichki attestatsiya mexanizmi ishlab chiqildi. 

21-band. Institutda tahsil olayotgan iqtidorli talabalar bilan olib borilayotgan ishlar holatini o‘rganish. Iqtidorli talabalarni ilmiy faoliyatga, har xil tanlovlar, yoshlar olimlar ilmiy-amaliy loyihalari va ilmiy anjumanlarda ishtirok etishga qiziqtirish va ularni bu borada kengroq jalb qilish ishlariga e’tiborni qaratish. Takliflar tayyorlash va ularni institut rektoriga (institut Kengashiga) taqdim etish.

Iqtidorli talabalar haqidagi ma’lumotlar bazasini shakllantirish. 

Ushbu masalalar ichki attestatsiya jarayonida o‘rganiladi. 

22-band. Bo‘limning II chorak uchun ish rejasini ishlab chiqish va tasdiqlash. 

O‘zbekiston Respublikasi Vazirlar mahkamasi huzuridagi Ta’lim sifatini nazorat qilish Davlat inspeksiyasining 2018 yil 26 martdagi  112-sonli buyrug‘i ijrosini ta’minlash maqsadida “Toshkent temir yo‘l muhandislari instituti ta’lim sifatini nazorat qilish bo‘limining 2018 yilning II-chorak uchun ish rejasi” tasdiqlandi. 

23-band. Bo‘limning I chorak yakuni bo‘yicha ish rejasining bajarilishi haqida hisobot tayyorlash, uni institut rektori va Davlat inspeksiyasiga taqdim etish. 

Hisobot tayyorlandi va taqdim etildi.

Toshkent temir yo‘l muhandislari instituti

Ta’lim sifatini nazorat qilish bo‘limining 2018 yil II - chorak

HISOBOTI

 Hisobot davrida bo‘lim o‘z faoliyatini “Toshkent temir yo‘l muhandislari instituti tarkibidagi Ta’lim sifatini nazorat qilish bo‘limi to‘g‘risidagi Nizom” va “Toshkent temir yo‘l muhandislari instituti ta’lim sifatini nazorat qilish bo‘limining 2018 yilning II-choragi (aprel-iyun) uchun ish rejasi” asosida olib bordi. Reja bo‘yicha amalga oshirilgan ishlar haqidagi ma’lumotlar oyma-oy institut rektoriga taqdim etib borildi. Quyida reja bandlari bo‘yicha qisqacha ma’lumotlar berish bilan hisobot keltirildi.

1-band. Namunaviy ish reja asosida bo‘limning II-chorak uchun ish rejasini ishlab chiqish, uni o‘rnatilgan tartibda tasdiqlash.

O‘zbekiston Respublikasi Vazirlar mahkamasi huzuridagi Ta’lim sifatini nazorat qilish Davlat inspeksiyasining 2018 yil 26 martdagi 112-sonli buyrug‘i ijrosini ta’minlash maqsadida Institut rektorining 2018 yil 2 apreldagi 176-U buyrug‘i bilan “Toshkent temir yo‘l muhandislari instituti ta’lim sifatini nazorat qilish bo‘limining 2018 yilning II -choragi (aprel-iyun) uchun ish rejasi” tasdiqlandi.

2-band. I-chorak yakuni bo‘yicha ish rejasining bajarilishini monitoring qilish, bajarilmagan yoki lozim darajada bajarilmagan ishlarni mantiqan oxiriga etkazish choralarini ko‘rish (Davlat inspeksiyasiga taqdim etiladigan hisobotda ushbu holatni aks ettirish).

I-chorak yakuni bo‘yicha ish rejasining bajarilishini monitoring qilindi, lozim darajadagi ishlar oxiriga etkazildi:

1. OTM moddiy - texnik bazasini o‘rganish: Toshkent temir yo‘l muhandislari institutida kafedralarning moddiy-texnik bazasini mustahkamlash va modernizatsiya qilish, ularni zamonaviy o‘quv-ilmiy laboratoriyalari, axborot-kommunikatsiya texnologiyalari bilan jihozlash maqsadida 2017-2021 yillarga mo‘ljallangan kompleks rivojlantirish dasturi tasdiqlangan.

2. OTM ta’lim yo‘nalishlari va mutaxassisliklarining fanlar bo‘yicha asosiy o‘quv adabiyotlari bilan ta’minlanganlik darajasini ARM va kafedralar kesimida o‘rganish: “O‘zbekiston respublikasi ta’lim muassasalarini attestatsiyadan o‘tkazish mezonlari va texnologiyalari bo‘yicha yo‘riqnoma” hamda “Toshkent temir yo‘l muhandislari instituti bakalavriat ta’lim yo‘nalishlari va magistratura mutaxassisliklarini ichki attestatsiyasini tashkillashtirish va o‘tkazish bo‘yicha ma’lumotlar bazasini shakllantirish” rejasi asosida ta’lim yo‘nalishlari va mutaxassisliklarning fanlar bo‘yicha asosiy o‘quv adabiyotlari bilan ta’minlanganlik darajasi ARM va kafedralar kesimida o‘rganildi hamda ma’lumotnoma institut rahbariyatiga taqdim etildi.

3. Kadrlar iste’molchilarining fan dasturlari va bitiruvchilar malakasi bo‘yicha fikr mulohazalarini o‘rganish. Institut bitiruvchi talabalarining ish joylariga taqsimlash tadbirida kadrlar iste’molchilarining fan dasturlari va bitiruvchilar malakasi bo‘yicha fikr - mulohazalari o‘rganildi va so‘rovnoma o‘tkazildi.

4. OTMda tahsil olayotgan iqtidorli talabalar haqidagi ma’lumotlar bazasini shakllantirish, ular bilan olib borilayotgan ishlarni tahlil qilish. Toshkent temir yo‘l muhandislari institutida 4 ta fakultet mavjud bo‘lib, iqtidorli talabalar haqidagi ma’lumotlar bazasi shakllantirilgan.

3-band. Institut veb – saytida bo‘limning maxsus sahifasida ochilgan “Ta’lim sifati” ruknining doimiy yuritilishini ta’minlash. I-chorak yakuni bo‘yicha hisobotning tezislarini veb-saytga joylashtirish.

Institut veb-saytida bo‘limning maxsus sahifasi ochilgan “Ta’lim sifati” ruknida I-chorak yakuni bo‘yicha hisobotning tezisi veb-saytga joylashtirildi.

4-band. Institut, fakultetlar, kafedralar va tegishli bo‘limlarning ish rejalaridagi ta’lim sifatini oshirishga qaratilgan masalalarning bajarilishini tizimli nazorat qilib borish.

Institut fakultetlari, kafedralari va bo‘limlari ish rejalari o‘rganilib, ta’lim sifatini oshirishga qaratilgan masalalarning bajarilishi nazorat qilindi. Aniqlangan kamchiliklar institut rahbariyati, fakultet dekani va kafedra mudirlariga etkazildi.

5-band. Professor-o‘qituvchilar tomonidan dars mashg‘ulotlarining o‘tilishi holatini tahliliy o‘rganib borish (o‘zaro darslarga kirish asosida), natijalari bo‘yicha takliflarni institut rektoriga (institut kengashiga) taqdim etish.

Institut rektori tomonidan 2018 yil 12 fevralda tasdiqlangan reja asosida professor-o‘qituvchilar tomonidan dars mashg‘ulotlarining o‘tkazilish holati joriy yilning 2 apreldan 26 maygacha bo‘lgan davrda jami 25 nafar professor-o‘qituvchilar darsi tahlil qilindi. Ma’lumotlar oyma-oy institut rektoriga taqdim etilmoqda.

6-band. Professor-o‘qituvchilar shaxsiy ish rejalarining o‘quv yili yakunlari bo‘yicha bajarilishini o‘rganish. Bunda rejalashtirilgan yuklamalarining har bir yo‘nalish kesimida bajarilganligiga e’tiborni qaratish. Kamchiliklarni umumlashtirish, ma’lumotnoma tayyorlash va natijalari bo‘yicha takliflarni institut rektoriga (institut kengashiga) taqdim etish.

2017-2018 o‘quv yili uchun fakultet dekani tomonidan tasdiqlangan va kafedralar tomonidan taqdim etilgan professor-o‘qituvchilar shaxsiy ish rejalarini o‘quv yili yakunlari bo‘yicha bajarilishini o‘rganish, O‘zbekiston Respublikasi Oliy va o‘rta maxsus ta’lim vazirining 2015 yil 9 sentyabrdagi 5-2015-son buyrug‘i bilan tasdiqlangan “Oliy ta’lim muassasasi professor-o‘qituvchilar tarkibining o‘quv, ilmiy-metodik, ilmiy-tadqiqot, tashkiliy-metodik, ma’naviy-ahloqiy va tarbiyaviy ishlar yuklamasini aniqlash qoidalari” asosida amalga oshirildi.

Institutda faoliyat olib borayotgan professor-o‘qituvchilarning barcha shaxsiy ish rejalari o‘rganildi, aniqlangan kamchiliklar bo‘yicha ma’lumotlar institut rektori, o‘quv ishlari bo‘yicha prorektor, fakultet dekanlari va kafedra mudirlariga taqdim etildi. Institut rahbariyati tomonidan ma’lumotlarda keltirilgan kamchiliklapni bartaraf etish uchun ko‘rsatmalar berildi.

7-band. Bakalavriatura 2,3(4)-kurs talabalarining yozgi o‘quv tanishuv, ishlab chiqarish va malakaviy amaliyoti va bitiruvchi kurs talabalarining bitiruv malakaviy hamda 2-kurs magistratura talabalarining malakaviy amaliyotini samarali tashkil etish bo‘yicha amalga oshirilgan ishlarni o‘rganish (bunda talabalar amaliyotini ta’lim yo‘nalishlari va mutaxassisliklardan kelib chiqib rejalashtirilganiga e’tibor qaratiladi).

2017-2018 o‘quv yili talabalarning malakaviy amaliyoti to‘g‘risida institut rektorining 2017 yil 28 dekabrdagi 736-U sonli buyrug‘iga asosan amalga oshirildi.“O‘zbekiston temir yo‘llari” AJ tasarrufidagi ob’ektlarda malakaviy amaliyotlarini o‘taydigan bakalavriat ta’lim yo‘nalishlari talabalarining hamda 2-kurs magistratura mutaxassisliklari talabalarining 2017-2018 o‘quv yili malakaviy amaliyot rejasi ishlab chiqilgan. Malakaviy amaliyot boshlanishidan oldin talabalar o‘rtasida mehnat muhofazasi va texnika xavfsizligi, shuningdek poezdlar harakati xavfsizligini ta’minlash yuzasidan amaldagi yo‘riqnomalar asosida o‘rnatilgan tartibda tushuntirish ishlari olib borilgan. Amaliyotga yuboriladigan talabalarni amaliyot dasturi va kundalik bilan ta’minlangan. “O‘zbekiston temir yo‘llari” AJ tasarrufidagi ob’ektlarda ishlab chiqarish amaliyotini o‘taydigan talabalar amaliyot boshlanishidan oldin tibbiy ko‘rikdan o‘tkazilgan.

8-band. “Talabalar bilimini baholashning reyting tizimi to‘g‘risida”gi Nizom talablaridan kelib chiqib, o‘quv yilining bahorgi semestrida talabalar bilimining xolisona baholanishi masalasiga e’tiborni qaratish. Bunda professor-o‘qituvchilarning dars berish sifatini o‘zaro o‘rganish natijalaridan kelib chiqqan holda tanlanma asosda tegishli fanlardan talabalar bilimiga qo‘yilgan ballarning ob’ektivligini qiyoslash asosida tahliliy o‘rganish. O‘rganish natijalari bo‘yicha takliflarni tayyorlash va institut rahbariyatiga kiritish.

Ta’lim yo‘nalishlarida o‘qitiladigan fanlar bo‘yicha talabalar bilimlarini va o‘zlashtirishni reyting tizimi asosida baholash O‘zbekiston Respublikasi Oliy va o‘rta maxsus ta’lim vazirligining 2009 yil 11 iyundagi 204-sonli buyrug‘i bilan tasdiqlangan hamda O‘zbekiston Respublikasi Oliy va o‘rta maxsus ta’lim vazirligining 2010 yil 25 avgustdagi 333-son buyrug‘i bilan o‘zgartirish va qo‘shimchalar kiritilgan “Oliy ta’lim muassasalarida talabalar bilimini nazorat qilish va baholashning reyting tizimi to‘g‘risidagi Nizom” talablariga mos holda amalga oshirib kelinmoqda.

Talabalar bilimlarini baholashda oraliq nazorat va yakuniy nazoratni amalga oshirishda test va yozma ishlardan foydalaniladi. Har bir fan bo‘yicha ishchi dasturning mazmunidan kelib chiqib 200 tadan test savollari, talabalar sonidan kelib chiqib yozma ish variantlari tayyorlangan hamda belgilangan tartibda tasdiqlangan. Kafedralarda talabalar bilimini baholash “Oliy ta’lim muassasalarida talabalar bilimini nazorat qilish va baholashning reyting tizimi to‘g‘risidagi Nizom” talablari asosida tashkil etilgan. Fanlarning ishchi dasturlarida talabalar bilimini baholash mezonlari JN, ON va YAN jadvallarida belgilangan. Ballar taqsimoti amalga oshirilgan. Jumladan, JNga 55%, ONga 15%, YANga 30% miqdoridagi ballar rejalashtirilgan. Reyting ballari taqsimoti baholash turlari bo‘yicha haftalar kesimida o‘z aksini topgan.

9-band. Ta’lim yo‘nalishlari va magistratura mutaxassisliklarini bitiruvchi talabalarning bitiruv malakaviy ishi va magistrlik dissertatsiyalarining shaxsiy rejalar asosida bajarilishini nazorat qilish. Bunda BMI va MD larning o‘z vaqtida sifatli bajarilishi bo‘yicha ilmiy rahbarlarning mas’uliyatini o‘rganish, mavjud kamchiliklarni bartaraf etilishini nazoratga olish.

O‘rganish natijasida quyidagilar aniqlandi. Institutda BMI mavzulari ro‘yxati mutaxassislik kafedralari tomonidan shakllantirilgan. Institut rektorining 25.12.2017 yildagi 726-U “Bitiruv malakaviy ishlari mavzularini tasdiqlash to‘g‘risida” hamda 01.11.2017 yil 626-U sonli “Magistrlik dissertatsiya mavzularini tasdiqlash to‘g‘risida” buyrug‘lari mavjud.

Bitiruvchi talabalarning bitiruv malakaviy ishi va magistrlik dissertatsiyalarining shaxsiy ish rejalari asosida bajarilish holati o‘rganildi. Institut rektorining 17.10.2017-yildagi 300 - T sonli buyrug‘iga muvofiq 2017 yilning 30-31 oktyabr kunlari magistratura talabalarining oraliq attestatsiyasi hamda 6.04.2018-yildagi 99-T sonli buyrug‘iga muvofiq 2018 yilning 1-2 may kunlari magistratura talabalarining yakuniy attestatsiyasi ishchi guruh tomonidan o‘tkazildi .

10-band. Talabalar davomati, fanlar bo‘yicha o‘zlashtirish ko‘rsatkichlari (joriy, oraliq, yakuniy nazoratlari)ni tanlanma asosda korelyasion tahlil qilish, natijalari bo‘yicha takliflarni tayyorlash va institut rahbariyatiga kiritish (Davomati sust bo‘lgan talabalarning o‘zlashtirishiga e’tibor chuqurroq qaratiladi).

2017-2018 o‘quv yilida talabalar davomati, fanlar bo‘yicha o‘zlashtirish ko‘rsatkichlari natijalari 2018 yil 6 iyuldagi institut kengashi majlisida muhokama etiladi.

11-band. 2017-2018 o‘quv yili bakalavriat(magistratura) bitiruvchilari uchun o‘tkaziladigan YADA (DAK) faoliyatiga tayyorgarlikning borishini, ushbu jarayonning amaldagi normativ- huquqiy hujjatlarda qo‘yilgan talablar asosida sifatli tashkil etilishi va o‘tkazilishiga qaratilgan faoliyatni nazoratga olish.

Institut rektorining 11 aprel 2018 yil 199-Usonli “2017-2018 o‘quv yili uchun Toshkent temir yo‘l muhandislari instituti ta’lim yo‘nalishlari va mutaxassisliklari bo‘yicha Davlat attestatsiya komissiyasi raisligiga nomzodlar ro‘yxati tasdiqlash” hamda 24 aprel 2018 yil 253-U sonli “YAkuniy davlat attestatsiyasi to‘g‘risida” buyruqlari tasdiqlangan. Fakultet dekanlari, magistratura bo‘limi boshlig‘i va tegishli kafedra mudirlari tomonidan yakuniy davlat attestatsiyasi o‘rnatilgan tartibda tashkil etildi, dasturlar, baholash mezonlari, konsultatsiya va attestatsiya jadvallari tasdiqlandi, bitiruvchilarga oldindan etkazish maqsadida barcha fakultet e’lonlar taxtasiga joylashtirildi. YAkuniy DAK tarkibiga “O‘zbekiston Respublikasi oliy ta’lim muassasalari bitiruvchilarining yakuniy davlat attestatsiyasi to‘g‘risida Nizom”ga muvofiq kadrlarni asosiy iste’molchilari va buyurtmachilari bo‘lgan korxona, tashkilotlarning yuqori malakali mutaxassislari, rahbarlari va sohaning taniqli olimlari jalb etildi.

13-band. Institut qoshidagi akademik litsey bilan o‘quv-uslubiy sohada hamkorlikni ta’minlash va amaliy yordam ko‘rsatish borasida olib borilayotgan ishlarning sifatini o‘rganish, mavjud kamchiliklarni bartaraf etish bo‘yicha institut rahbariyatiga takliflarni kiritish.

Institut qoshidagi akademik litseyda o‘qitish samaradorligini oshirish maqsadida TTYMI professor-o‘qituvchilari bilan  kafedralar kesimida hamkorlik shartnomalari tuzilgan va ular bilan reja asosida ishlar olib borilmoqda. TTYMIning tajribali professor-o‘qituvchilari tomonidan akademik litsey pedagog–o‘qituvchilarining dars mashg‘ulotlarini zamonaviy axborot kommunikatsiya texnologiyalaridan foydalangan holda o‘quv yili davomida “Master klass” seminar-treninglar tashkil qilingan. 2018 mart oyida institut tomonidan  akademik litseyga 50 dona zamonaviy kompyuter texnikasi etkazib berilgan. Akademik litsey o‘qituvchilariga maqola va tezislar yozishda yaqindan yordam ko‘rsatilgan. Hamkorlikda 12 ta maqola va tezislar tayyorlangan.

14-band. O‘quv yilida professor- o‘qituvchilarning axborot-kommunikatsiya texnologiyalari va chet tillarini o‘rganishi bo‘yicha institutda tashkil etilgan o‘quv kurslari faoliyatining samarasi va sifatini o‘rganish.

Institut rektorining 2017 yil 19 avgustdagi “O‘zbekiston Respublikasi Vazirlar Mahkamasining 2017 yil 11 avgustdagi 610-sonli qarori ijrosini ta’minlash to‘g‘risidagi” 470-U sonli va 2017 yil 26 avgustdagi “Oliy ta’lim muassasasida chet tili o‘rgatishni tashkil etish to‘g‘risidagi” 491-U sonli buyruqlari imzolangan bo‘lib, ushbu masalala bo‘yicha tegishli vazifalar belgilangan. Qo‘yilgan vazifalar bo‘yicha chet tili kafedrasi tomonidan ishlar amalga oshirilgan.

15-band. Institut attestatsiyasi va akkreditatsiyasi jarayoniga tayyorgarlik ko‘rish maqsadida ichki attestatsiya uchun jamlangan va shakllantirilgan ma’lumotlar bazasini yangilab borish.

Institut attestatsiyasi va akkreditatsiyasi jarayoniga tayyorgarlik ko‘rish maqsadida ichki attestatsiya uchun jamlangan va shakllantirilgan ma’lumotlar bazasini yangilab borilmoqda.

16-band. Institutda tahsil olayotgan iqtidorli talabalar bilan olib borilayotgan ishlar holatini o‘rganish.

Toshkent temir yo‘l muhandislari institutining har bir fakultetida iqtidorli talabalar bilan ishlash ish rejasi mavjud. Kafedralarda iqtidorli talabalar bilan ishlash uchun ilmiy rahbar tayinlanagan. Kafedra professor-o‘qituchilari iqtidorli talabalar bilan ishlash maqsadida haftaning belgilangan kunlarida reja asosida ishlar olib borilgan. Fakultetlarda fan olimpiadasi, konferensiya (“YOzgi amaliyot”, “YOsh ilmiy-tadqiqotchi”) va to‘garaklar tashkil etilgan. Fakultetlarda I .Karimov, Beruniy nomli davlat stipendiyasi va “O‘zbekiston temir yo‘llari” AJ stipendiyasiga talabgorlar tanlangan va nomzod sifatida tavsiya qilingan.

17-band. Institut bitiruvchi talabalarining kadrlar iste’molchilari murojaatlari (so‘rovlari) asosida ish joylariga taqsimlashni amalga oshirish bo‘yicha maxsuskomissiyaning ish faoliyatini taxliliy o‘rganish, mavjud kamchiliklarning bartaraf etilishini nazoratga olish.

Toshkent temir yo‘l muhandislari institutining 2018 yil bitiruvchilarini “O‘zbekiston temir yo‘llari” AJ boshqaruv raisi o‘rinbosarining 2018 yil 26 martdagi NOK-985/18 – sonli topshirig‘iga muvofiq amalga oshirilib, joriy yilning 9-11 aprel kunlarida bitiruvchilarni ishga taqsimlash amalga oshirildi.

Institut bitiruvchi talabalarining kadrlar iste’molchilari murojaatlari (so‘rovlari) asosida ish joylariga taqsimlashni amalga oshirish bo‘yicha maxsus komissiyaning ish faoliyatini tahliliy o‘rganildi va so‘rovnoma o‘tkazildi.

18-band. Joriy o‘quv yili yakuniga qadar kafedralar tomonidan keyingi o‘quv yiliga tayyorgarlik ishlarining amalga oshirilganligini tahliliy o‘rganish. O‘rganish natijalari bo‘yicha taklif va tavsiyalarni kafedra mudirlariga va institut rahbariyatiga kiritish.

Kafedralar tomonidan keyingi o‘quv yiliga tayyorgarlik ishlarining amalga oshirilganligini tahliliy o‘rganildi. O‘rganish natijalari bo‘yicha institut rahbariyati va kafedra mudirlariga taklif va tavsiyalar berildi:

1. O‘zbekiston Respublikasi Oliy va o‘rta maxsus ta’lim vazirining 2015 yil 9 sentyabrdagi 5-2015-son buyrug‘i bilan tasdiqlangan “Oliy ta’lim muassasasi professor-o‘qituvchilar tarkibining o‘quv, ilmiy-metodik, ilmiy-tadqiqot, tashkiliy-metodik, ma’naviy-ahloqiy va tarbiyaviy ishlar yuklamasini aniqlash qoidalari” asosida amalga oshirilishi lozim.

2. Fanning ishchi o‘quv dasturlari institut bo‘yicha yagona shakl va tartib asosida ishlab chiqilishi lozim (masalan, O‘zbekiston Respublikasi OO‘MTVning 17.04.2017 yildagi 87-02-1199 sonli xatida keltirilgan “Oliy ta’lim yo‘nalishlari va mutaxassisliklarining davlat ta’lim standartlari asosida fan dasturlarini ishlab chiqish va tatbiq etish tartibi” asosida ishlab chiqilishini tashkil qilish).

3. Ishchi o‘quv rejadagi soatlar bilan ishchi fan dasturidagi soatlar mosligini ta’minlash lozim.

4. Kalendar-tematik rejadagi mavzular bilan ishchi fan dasturidagi mavzularning mosligini ta’minlash lozim.

YUqorida keltirilgan taklif va tavsiyalar kafedra yig‘ilishlarida muhokama etildi.

19-band. Institut kafedralari tomonidan ta’lim sifatini amalga oshirishga xalaqit beruvchi omillarni bartaraf etish bo‘yicha o‘quv yili davomida bajarilgan ishlarning tanqidiy muhokama etilganligini o‘rganish. O‘rganish natijalaridan kelib chiqib, o‘z ustida ishlashni xoxlamagan va ta’lim sifatini ko‘tarishga xayrixohlik bildirmagan ayrim pedagog-o‘qituvchilarga nisbatan intizomiy choralarni qo‘llash bo‘yicha va aksincha, o‘z ustida ishlashga astoydil harakat qilgan va faoliyatida ibrat ko‘rsatgan pedagog-o‘qituvchilarni moddiy va ma’naviy rag‘batlantirish bo‘yicha taklif va tavsiyalarni institut rahbariyatiga kiritish.

Ta’lim sifatini nazorat qilish bo‘limi tomonidan institut fakultetlari, kafedralari va bo‘limlari ish rejalari o‘rganildi. O‘rganish natijalari bo‘yicha institut rahbariyati va kafedra mudirlariga taklif va tavsiyalar berildi:

1. Institutning barcha tarkibiy bo‘linmalari rahbarlari tomonidan ish rejalari tahlil qilinib, zaruriyat bo‘lsa yangi taxrirdagi ish rejalarini ishlab chiqib o‘rnatilgan tartibda tasdiqqa kiritish.

2. YAngi taxrirdagi ish rejalariga O‘zbekiston respublikasi Prezidentining “Oliy ta’lim tizimini yanada rivojlantirish chora-tadbirlari to‘g‘risida”gi PQ-2909 sonli va “Oliy ma’lumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlari to‘g‘risida”gi PQ-3151 sonli Qarorlarida belgilangan vazifalarni aniq ko‘rsatish.

3. Ish rejalarini ta’lim sifatiga qaratilgan masalalar bilan to‘ldirish.

4. Keltirilgan masalalarni fakultet va kafedralar yig‘ilishlarida muxokama qilish.

Fakultet dekanlari tomonidan kamchiliklarning bartaraf etilganligi haqidagi ma’lumotlar TSNQB ga taqdim etildi.

Bitiruvchi talabalar o‘rtasida anonim so‘rovnomalar o‘tkazildi.

Institut rektori tomonidan 2018 yil 12 fevralda tasdiqlangan reja asosida professor-o‘qituvchilar tomonidan dars mashg‘ulotlarining o‘tkazilish holati joriy yilda muntazam o‘rganib borildi va tahlil natijalari bo‘yicha ma’lumotlar institut rahbariyatiga taqdim etildi.

20-band. O‘quv yili yakuniga bag‘ishlangan institut Kengashi majlisida bo‘lim tomonidan ta’lim sifatini yaxshilash bo‘yicha amalga oshirilgan ishlar natijalari, mavjud kamchiliklarni bartaraf etilganlik holati, ta’lim sifatini yanada ko‘tarishga qaratilgan takliflar bo‘yicha ma’lumot berish.

Institut Kengashi majlisida bo‘lim tomonidan ta’lim sifatini yaxshilash bo‘yicha amalga oshirilgan ishlar natijalari, mavjud kamchiliklarni bartaraf etilganlik holati, ta’lim sifatini yanada ko‘tarishga qaratilgan takliflar bo‘yicha ma’lumot berildi.

21-band. Bo‘limning III-chorak uchun ish rejasini ishlab chiqish va tasdiqlash.

“Toshkent temir yo‘l muhandislari instituti ta’lim sifatini nazorat qilish bo‘limining 2018 yil III-chorak uchun ish rejasi” ishlab chiqildi va tasdiqlandi.

22-band. Bo‘limning II - chorak yakuni bo‘yicha ish rejasining bajarilishi haqida hisobot tayyorlash, uni institut rektori (Kengashi) va Davlat inspeksiyasiga taqdim etish.

Hisobot tayyorlandi va taqdim etildi.

  

TSNQB boshlig‘i E.A.Mirsalixov